ಹೊಸಕೋಟೆಯಲ್ಲಿ ಗಾಂಧಿ ಜಯಂತಿ ಪ್ರಯುಕ್ತ ವಿದ್ಯಾರ್ಥಿಗಳಿಂದ ಸ್ವಚ್ಛತಾ ಶ್ರಮದಾನ

ಗಾಂಧಿ ಜಯಂತಿ ಪ್ರಯುಕ್ತ ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಸ್ಕೌಟ್ಸ್ ಮತ್ತು ಗೈಡ್ಸ್, ರೋವರ್, ರೇಂಜರ್‌ ಘಟಕ ಹಾಗೂ ಸ್ನಾತಕ ಮತ್ತು ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳು ಸ್ವಚ್ಛತಾ ಶ್ರಮದಾನ ನಡೆಸಿದರು. ಜಾಥಾ ನಡೆಸಿದ ವಿದ್ಯಾರ್ಥಿಗಳು ಕೋರ್ಟ್ ವೃತ್ತ, ಕೋಲಾರ ಬಸ್ ನಿಲ್ದಾಣ, ಸ್ಕೈ ವಾಕ್ ಬಳಿ ಸ್ವಚ್ಛತೆ ನಡೆಸಿದರು. ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ. ರಾಮಲಿಂಗಪ್ಪ ಟಿ.ಬೇಗೂರು ಅವರು, 'ನಮ್ಮ ಸುತ್ತಲಿನ ಪರಿಸರ ಎಷ್ಟು ಪರಿಶುದ್ಧ ಆಗಿರುತ್ತದೆಯೋ ಅಷ್ಟೇ ನಮ್ಮ ಸಮಾಜವೂ ಸ್ವಾಸ್ಥ್ಯದಿಂದ ಇರುತ್ತದೆ' ಎಂದು ಹೇಳಿದರು.