ಬೆಂಗಳೂರಿನಲ್ಲಿ ಜಾಗತಿಕ ಆಡಳಿತ ತತ್ವಗಳ ಕುರಿತು ವಿಚಾರ ಸಂಕಿರಣ

ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಆಡಳಿತದ ಸಾರ್ವಕಾಲಿಕ ತತ್ವಗಳ ಕುರಿತು ಬೆಂಗಳೂರಿನಲ್ಲಿ ಎರಡು ದಿನಗಳ ವಿಚಾರಸಂಕಿರಣ ನಡೆದಿದೆ. 'ವಸುಧೈವ ಕುಟುಂಬಕಂ ಕಿ ಓರ್ 5.0' ವಿಚಾರ ಸಂಕೀರ್ಣ ಹಲವು ವಿಚಾರಗಳ ಕುರಿತು ಬೆಳಕು ಚೆಲ್ಲಿದೆ. ಈ ಕಾರ್ಯಕ್ರಮವನ್ನು ಬಸವನಗುಡಿಯ ಚಂದ್ರ ಚೌಹಾಣ್ ಧರ್ಮಕ್ಷೇತ್ರದಲ್ಲಿ ಆಯೋಜಿಸಲಾಗಿತ್ತು. ಅಕ್ಟೋಬರ್ 10ರಂದು ಅಂತರರಾಷ್ಟ್ರೀಯ ಆಡಳಿತದ ಕುರಿತು ಗೋಷ್ಠಿ ನಡೆದಿದ್ದು, ವಿಶ್ವಬ್ಯಾಂಕ್ ನ ಕಾರ್ಯನಿರ್ವಾಹಕ ನಿರ್ದೇಶಕರ ಹಿರಿಯ ಸಲಹೆಗಾರ ಹೇಮಾಂಗ್ ಜಾನಿ, ಡಾ. ವಿಜಯ್ ಚೌಥಾಯ್ ವಾಲೆ, ಪ್ರೊ. ಶ್ರೀರಾಮ್ ಚೌಲಿಯಾ, ಅಭಿನವ್ ಪಾಂಡ್ಯ, ಅರವಿಂದ್ ಗುಪ್ತಾ ಮತ್ತು ಶುಭಾಂಗಿ ಶರ್ಮಾ ಭಾಗವಹಿಸಿದ್ದರು. ಅಕ್ಟೋಬರ್ 11ರಂದು ರಾಷ್ಟ್ರೀಯ ಆಡಳಿತದ ಕುರಿತು ಗೋಷ್ಠಿ ನಡೆಯಿತು. ಈ ಎರಡು ದಿನಗಳ ಚರ್ಚೆಯ ಮುಖ್ಯಾಂಶಗಳನ್ನು ಆಧರಿಸಿ 'ಧ್ರುವ ಪತ್ರ' ಎಂಬ ಶ್ವೇತಪತ್ರವನ್ನು ಸಿದ್ಧಪಡಿಸಲಾಗುತ್ತಿದ್ದು, ಇದನ್ನು ವಿ.ಕೆ. 5.0 ಮುಖ್ಯ ಕಾರ್ಯಕ್ರಮದಲ್ಲಿ ಪ್ರಸ್ತುತಪಡಿಸಲಾಗುವುದು.