ಹುಣಸೂರು ಕಾರ್ಮಿಕರಿಗೆ ನಿವೇಶನ ಹಂಚಿಕೆ ಮತ್ತು ಬಯೋ ಗ್ಯಾಸ್ ಘಟಕದ ಯೋಜನೆ

ಹುಣಸೂರು ನಗರಸಭೆ ಕಾರ್ಮಿಕರಿಗೆ ನಿವೇಶನ ಕಾನೂನಾತ್ಮಕವಾಗಿ ಹಸ್ತಾಂತರಿಸುವ ಪ್ರಕ್ರಿಯೆ ಬಹುತೇಕ ಪೂರ್ಣಗೊಂಡಿದ್ದು, ಫಲಾನುಭವಿಗಳಿಗೆ ಅತಿ ಶೀಘ್ರದಲ್ಲೇ ನಿವೇಶನ ವಿತರಿಸಲಾಗುವುದು ಎಂದು ಶಾಸಕ ಜಿ.ಡಿ.ಹರೀಶ್‌ ಗೌಡ ತಿಳಿಸಿದರು. ನಗರಸಭೆ ವತಿಯಿಂದ ನಿಗದಿಪಡಿಸಿದ್ದ 2 ಎಕರೆ ನಿವೇಶನ ಅಳತೆ ಕೆಲಸ ಪೂರ್ಣಗೊಂಡಿದ್ದು, ನವೆಂಬರ್ 23 ರಂದು ನಡೆಯಲಿರುವ ಸಭೆಯಲ್ಲಿ ಜಿಲ್ಲಾಧಿಕಾರಿ ಅನುಮತಿ ಪಡೆದು ನಿವೇಶನ ಹಸ್ತಾಂತರಿಸಲಾಗುವುದು. ಪೌರಕಾರ್ಮಿಕರ ಕಲ್ಯಾಣ ನಿಧಿಯಲ್ಲಿ ಕಾಯ್ದಿಟ್ಟಿರುವ ₹ 93 ಲಕ್ಷ ಅನುದಾನ ಫಲಾನುಭವಿಗೆ ಮನೆ ನಿರ್ಮಿಸುವ ಹಂತದಲ್ಲಿ ನೀಡಲಾಗುವುದು ಎಂದರು.