ಹೆಬ್ಬಗೋಡಿ ನಗರಸಭೆಯಿಂದ ₹86.19 ಲಕ್ಷದ ಸೌಲಭ್ಯ ವಿತರಣೆ

ಹೆಬ್ಬಗೋಡಿ (ಆನೇಕಲ್): ನಗರಸಭೆಯಿಂದ ವಿವಿಧ ಸೌಲಭ್ಯಗಳ ವಿತರಣಾ ಕಾರ್ಯಕ್ರಮ ಶುಕ್ರವಾರ ಉದ್ಘಾಟಿಸಲಾಯಿತು. ಒಟ್ಟು ₹86.19 ಲಕ್ಷ ಮೌಲ್ಯದ ಸೌಲಭ್ಯಗಳನ್ನು ವಿತರಿಸಲಾಯಿತು. ಇದರಲ್ಲಿ 52 ವಿದ್ಯಾರ್ಥಿಗಳಿಗೆ ₹27.19 ಲಕ್ಷ ವಿದ್ಯಾಭ್ಯಾಸ ಪ್ರೋತ್ಸಾಹ ಧನ, 10 ಮಂದಿಗೆ ಶಸ್ತ್ರಚಿಕಿತ್ಸಾ ಸಹಾಯಧನ, ತಾಂತ್ರಿಕ ಮತ್ತು ವೈದ್ಯಕೀಯ ಕಾಲೇಜಿನ 10 ವಿದ್ಯಾರ್ಥಿಗಳಿಗೆ ಲ್ಯಾಪ್‌ಟಾಪ್ ವಿತರಣೆ, 17 ಪರಿಶಿಷ್ಟ ಪಂಗಡದವರಿಗೆ ಏಕ ಕಂತಿನ ಜೀವವಿಮೆ, ಮೂವರು ಅಂಗವಿಕಲರಿಗೆ ಜೀವವಿಮೆ, 8 ಅಂಗವಿಕಲರಿಗೆ ತ್ರಿಚಕ್ರ ವಾಹನ, ಮತ್ತು ನಾಲ್ವರು ಮಹಿಳೆಯರಿಗೆ ಹೊಲಿಗೆ ಯಂತ್ರ ಹಾಗೂ ಕ್ರೀಡಾ ಪ್ರೋತ್ಸಾಹ ಧನ ಸೇರಿತ್ತು.